काठमाडौं । यात्रुको अत्यधिक माग आएपछि बुद्ध एयरले काठमाडौं–भद्रपुर गन्तव्यमा उडान थपेको छ।
बुद्ध एयरका अनुसार भोलि (बिहीबार) दुईटा उडान हुँदैछन् । साथै शुक्रबारबाट दैनिक एक उडान थप गरिएको कम्पनीले जनाएको छ। बाढी र पहिरोको कारण राजमार्गहरू पूर्ण रूपमा चल्न नसकेपछि हवाई यात्रुको चाप बढेको छ। समयमै मौसम नखुल्दा काठमाडौं–विराटनगरका लागि निर्धारित उडानहरू हुन सकेका छैनन्। यसकारण पनि बुद्धले भद्रपुरका लागि उडान थपेको जनाएको छ। हाल बुद्धले यस गन्तव्यका लागि ६ वटा उडान गर्दै आएको छ।
यो गन्तव्यका लागि न्यूनतम ६ हजार चार सय रूपैयाँ र अधिकतम १२ हजार ८० रूपैयाँ भाडादर तोकिएको छ।
प्रतिक्रिया