असोज १७ गते घटस्थापनाबाट बिहान ४ देखि राति १२ बजेसम्म आन्तरिक उडान हुने

काठमाडौं । नेपाल नागरिक उड्डयन प्राधिकरणले घटस्थापनाको दिनदेखि राति १२ बजेसम्म उडान भर्ने भएको छ ।

प्राधिकरणले हवाई चापलाई ध्यानमा राखेर असोज १७ गतेदेखि ३० गतेसम्म रात्रीकालिन उडान हुने विमानस्थलहरुमा राति १२ बजेसम्म उडान हुने जानकारी दिएको हो ।

प्राधिकरणले भनेको छ–’देशभर सिर्जित बढ्दो हवाई चापलाई सम्वोधन गर्न असोज, १७–३० (घटस्थापना देखि पुर्णिमा) सम्म त्रिभुवन अन्तर्राष्ट्रिय विमानस्थल, गौतमबुद्ध, पोखरा लगायत रात्रीकालीन उडान हुने सम्पुर्ण विमानस्थलहरु विहान ४ बजेर ३० बजेदेखि राती १२ बजेसम्म नै संचालनमा आउने व्यवस्था मिलाइएको छ ।’