एभरेस्ट महिला भलिबल लिगः ललितपुरको लगातार दोस्रो जित, मधेश युनाइटेड पराजित

काठमाडौं। काठमाडौंमा जारी एभरेस्ट महिला भलिबल लिग अन्तर्गत गएराति सम्पन्न भएको खेलमा ललितपुर क्विन्सले मधेश युनाइटेडलाई पराजित गरेको छ ।

ललितपुरका लागि यो लगातार दोस्रो जित हो । मङ्गलवार राति भएको खेलमा ललितपुरले मधेश युनाइटेडलाई ३–१ को सेटमा हराएको थियो । दशरथ रंगशालामा भएको खेलमा ललितपुरले सुरुका लगातार दुई सेट जितेको थियो। तर तेस्रो सेट मधेशले जितेपछि ललितपुरको सोझो सेटमा जित टरेको थियो।

ललितपुरले यो खेल २५–१५, २६–२४, २४–२६ र २५–२२ को सेटमा जित्यो। पहिलो खेलमा काठमाडौं स्पाइकर्सलाई ३–१ को सेटमा हराएको ललितपुरको २ खेलबाट ४ अंक छ।