काठमाडौं । क्यानडामा जारी त्रिकोणात्मक टी–२० सिरिज अन्तर्गत आफ्नो तेस्रो खेलमा नेपालले क्यानडा विरुद्ध टस हारेर पहिला ब्याटिंग गर्ने भएको छ ।
क्यानडाको ओन्टारियोस्थित किंग सिटी स्टेडियममा हुने यो खेलमा क्यानडाले टस जितेर पहिला बलिङ गर्ने निर्णय गरेको छ । नेपाल र क्यानडाबीच अहिलेसम्म केवल २ टी–२० खेल भएको छ , जसमा नेपालले एक र क्यानडाले एक खेल जितेको छ । नेपालले आज आफ्नो टिममा २ परिवर्तन गरेको छ ।
आज नेपालले रिजन ढकाल र देव खनाललाई बाहिर राखेर सोमपाल कामी र ललित राजबंशीलाई टिममा सामेल गरेको छ । क्यानडाविरुद्धको प्लेइङ ११ मा रोहित पौडेल (कप्तान), कुशल भुर्तेल, आसिफ शेख, अनिल साह, कुशल मल्ल, दीपेन्द्र सिंह ऐरी, सोमपाल कामी, करण केसी, गुल्शन झा, सन्दीप लामिछाने र ललित राजबंशी रहेका छन् ।
प्रतिक्रिया