काठमाडौं । काठमाडौंमा जारी एभरेष्ट महिला भलिबल लिग अन्तर्गत दोस्रो दिनको पहिलो खेलमा कर्णाली यशविसले गण्डकी थण्डर्सलाई पराजित गरेको छ ।
कर्णाली यशविसको यो लगातार दोस्रो जित हो । मंगलबार सम्पन्न खेलमा कर्णालीले गण्डकी थण्डर्सलाई ३–२ को सेटमा पराजित गरेको हो । खेलको पहिलो सेट गण्डकीले २५–१५ ले जितेको भएपनि कर्णालीले खेलमा कमब्याक गर्दै दोस्रो र तेस्रो सेट २५–२२ र २५–१७ ले जितेको थियो ।
त्यसपछि खेलमा गण्डकीले कमब्याक गर्यो र चौथो सेट २५–१९ ले जितेर २–२ को बराबरी गर्यो । त्यसपछि कर्णालीले अन्तिम तथा निर्णायक सेट १५–११ ले जितेर गण्डकीलाई स्तब्ध बनाएको थियो ।
गण्डकीका लागि भने यो लगातार दोस्रो हार हो ।
प्रतिक्रिया