नुवाकोटमा माइक्रोबस दुर्घटना, १२ जना घाइते

नुवाकोट । नुवाकोटको शिवपुरी गाउँपालिका–७ अन्तर्गत छहरे–टोखा सडकखण्डमा माइक्रोबस दुर्घटना हुँदा १२ जना घाइते भएका छन् ।

काठमाडौंबाट नुवाकोट हुँदै पोखरातर्फ जान लागेको ग१ख ४५३५ नम्बरको माइक्रोबस आज दिउँसो अदुवारीमोडमा अनियन्त्रित हुँदा सडकबाट ५० मिटर तल खसेको प्रहरीले जनाएको छ । माइक्रोबसमा १८ यात्रु सवार थिए । घाइतेलाई उपचारका लागी काठमाडौँ पठाइएको छ ।

धादिङको विभिन्न स्थानमा पहिरो गएका कारण सो माइक्रोबस काठमाडौँको टोखाबाट नुवाकोट हुँदै धादिङको गल्छी निस्केर पोखरा जाने क्रममा नुवाकोटमा दुर्घटनामा परेको हो ।