झ्याप्लेखोला पहिरो अपडेटः २७ जनाको शव निकालियो, अरु बसहरु पनि पुरिएको आशंका

काठमाडौं । अविरल बर्षापछि धादिङको झ्याप्लेखोलामा गएको पहिरोबाट हालसम्म २७ जनाको शव निकालियो छ ।

आइतबार बिहान मात्रै उक्त पहिरोमा पुरिएको अवस्थामा थप १३ जनाको शव निकालिएको हो । उक्त पहिरोमा अरु पनि बसहरु पुरिएको आशंकासहित यतिबेला खोजि कार्य चलिरहेको प्रहरीले जनाएको छ । सोहि स्थानमा गोरखाको लापुबेसिबाट काठमाडौंका लागि छुटेको यात्रुबाहक बस पहिरोले पुरिएको अवस्थामा फेला परेको छ।

शुक्रबार बिहान ७ बजे गोरखाको लापुबेसिबाट काठमाडौंका लागि छुटेको ना ४ ख २२७० नम्बरको बस तीन दिनदेखि सम्पर्कविहिन भएको थियो। झ्याप्ले खोलामै आएको पहिरोले माइक्रोबस पुरिँदा शनिबार १४ जनाको मृत्यु भएको थियो। बुटवलबाट काठमाडौं आईरहेको माइक्रोबस पहिरोमा पुरिएको हो।

१४ जना यात्रुको शव शनिबार साँझ निकालिएको थियो।