काठमाडौं । शुक्रबारदेखि परेको अविरल बर्षाका कारण यतिबेला देशभरका केही ठुला नदीहरुमा जलसतहले खतराको तह पार गरेको छ ।
पूर्वमा संखुवासभाको अरुणदेखि पश्चिममा कपिलवस्तु जिल्लास्थित बाणगंगासम्मका लगभग सबै नदीमा जलसतह खतराको तह नजिक रहेका छन् । जल तथा मौसम विज्ञान विभागद्वारा आज राति जारी विशेष बाढीसम्बन्धी सूचनामा अरुण, दूधकोशी, सुनकोशी, बागमती, नारायणी, तिनाउ र वाणगङ्गा तथा तिनका सहायक नदीमध्ये केहीले चेतावनीस्तर पार गरिसकेका र केही खतराको स्तर नजिक रहेको उल्लेख छ ।
विभागका अनुसार, सुनकोशी र बागमती नदीमा जलसतह खतरास्तरभन्दा माथि रहेको तथा अरुण, दूधकोशी, नारायणी, तिनाउ र वाणगङ्गा सबैले पनि सतर्कताको ‘थ्रेसहोल्ड’ पार गरिसकेको उल्लेख छ । अहिले पनि ती सबै नदीको जलाधार क्षेत्रमा निरन्तर वर्षा भइरहेकोकाले जलसतह अझै बढ्न सक्ने आँकलन गरिएको छ ।
यस्तै आगामी २४ घण्टा थप भारी बर्षाको पूर्वानुमान गरिएकाले समेत अनावश्यक यात्रामा ननिस्कन र सुरक्षित रहन समेत महाशाखाले आग्रह समेत गरेको छ ।
प्रतिक्रिया