काठमाडौं । टिभिएसले आफ्नो प्रिमियम मोटरसाइकल रोनिनको मूल्य घटाएको छ ।
फेस्टिभ सिजनको अवसरमा कम्पनीले रोनिनको मूल्य १४ हजार भारु कम गरेको हो । नेपाली बजारमा समेत उपलब्ध रोनिनको मूल्य ४ लाख ६० हजार रुपैयाँ निर्धारण गरिएको छ । मूल्य कटौतीको अलवा कम्पनीले यसको टप स्पेक भेरियन्टमा नयाँ कलर अप्सन पनि ल्याएको छ ।
यो मोटरसाइकल अब ग्रे र फ्लोरोसेन्ट हरियो ग्राफिक्ससहितको नयाँ ‘मिडनाइट ब्लू’ शेडमा उपलब्ध हुने कम्पनीले जनाएको छ । रोनिनमा २२५ दशमलव ९ सिसी सिंगल सिलिन्डर इन्जिन रहेको छ ।
यसले २० बिएचपी पावर र २० एनएम नै टर्क जेनेरेट गर्छ । इन्जिनलाई ५ स्पीड गियरबक्समा जोडिएको छ ।
प्रतिक्रिया