साताको अन्तिम कारोबारको दिन ३२ दशमलव ८१ अङ्कले घट्यो नेप्से

काठमाडौं । साताको अन्तिम कारोबारको दिन बिहीबार सेयर बजार परिसूचक नेप्से ३२ अंकले घटेको छ ।

बिहीबार नेप्से परिसूचक ३२ दशमलव ८१ अङ्कले घटेर २४८६ दशमलव ७६ को विन्दुमा पुगेको हो । यस दिन बजारमा १ करोड ३६ लाख ९१ हजार ५९६ कित्ता शेयरको खरिदबिक्री हुँदा ४ अर्ब ८४ करोड १४ लाख ७ हजार रुपैयाँको कारोबार भएको छ । अघिल्लो कारोबारका दिन बुधबार नेप्से परिसूचक ४९ दशमलव १८ अङ्कले बढेर २५१९ दशमलव ५७ को विन्दुमा अडिएको थियो ।

आज ग्रीन भेन्चरस लिमिटेडको शेयर मूल्य सर्वाधिक घटेको छ । भने, यसका लगानीकर्ताहरूले सबैभन्दा बढी घाटा खाएका छन् ।

कारोबारका आधारमा अपि पावर कम्पनी ४७ करोड ९९ लाख ६७ हजार रुपैयाँका साथ शीर्ष स्थानमा रहेको छ ।