एजेन्सी । जारी एकदिवसीय सिरिजमा इङल्याण्डले अस्ट्रेलियालाई डक वर्थ लुइस नियम अनुसार ४६ रनले पराजित गरेको छ ।
गएराति सम्पन्न खेलमा खेल बर्षाले पूरा हुन नसकेपछि डक वर्थ लुइस नियम अनुसार इङल्याण्ड ४६ रनले विजयी भएको हो । यस खेलमा अस्ट्रेलियाले पहिला ब्याटिंग गर्दै ७ विकेट गुमाएर ३ सय ४ रन बनाएको थियो । त्यसको जवाफमा इङल्याण्डले ३७ दशमलव ४ ओभरमा ४ विकेट गुमाएर २ सय ५४ रन बनाएको अवस्थामा खेल बर्षाले रोकिएको थियो ।
त्यसपछि डक वर्थ लुइस नियम अनुसार सो अवस्थामा लक्ष्य २ सय ९ रहेकोमा इङल्याण्डले २५४ रन बनाएकोले ४६ रनले विजयी बनाइएको हो । इङल्याण्डका लागि ह्यारी ब्रुकले अविजित १ सय १० रन बनाएका थिए । इङल्याण्डले यो जितपछि सिरिजमा पहिलो जित हासिल गरेको छ । ५ खेलको सिरिजमा २–१ ले अस्ट्रेलिया अगाडि रहेको छ ।
अब सिरिजको चौथो खेल शुक्रबार हुने छ ।
प्रतिक्रिया