एजेन्सी । जोन स्टोन्सले दोस्रो हाफको इन्ज्युरी समयको आठौं मिनेटमा गरेको गोलमा म्यानचेस्टर सिटीले इंग्लिस प्रिमियर लिगमा हारबाट जोगिएको छ।
योसँगै उसले आर्सनलसँग् २–२ को बराबरी खेलेको हो। स्टोन्सको गोल अगाडिसम्म १० खेलाडीमा सीमित आर्सनल जिततर्फ अग्रसर थियो। बराबरीसँगै सिटी १३ अंकमा लिग तालिकाको शीर्षमा रह्यो र आफ्नो अपराजित यात्रा कायम राख्यो। आर्सनल भने ११ अंकमा चौथो स्थानमा रह्यो।
इतिहादमा भएको खेलमा हर्लिङ हालान्डको गोलले सिटीले सुरुआती अग्रता लिएपछि रिकार्डो कालाफोरीले बराबरी गोल फर्काए। पहिलो हाफको अन्त्यतिर गोल गर्दै ग्याब्रिएल मागाल्हेसले आर्सनललाई अग्रता दिलाएका थिए। पहिलो हाफको अन्त्यतिर लियानार्दो थ्रोसार्ड दोहोरो पहेलो कार्ड पाएर मैदान बाहिर गएका थिए।
त्यसपछि दबाबमा राखेको सिटीले खेलको अन्तिम मिनेटमा गोल गर्दै बरारबीमा ल्याए। आइतबारकै अर्को खेलमा ब्राइटन र नटिङघम फरेस्टले २–२ कै बराबरी खेले।
प्रतिक्रिया