काठमाडौं । अमेरिकी सकर लिगमा लियोनल मेसीको टिम इन्टर मायामीले एक एक गोलको बराबरी खेलेको छ ।
गएराति भएको न्युयोर्क सिटी विरुद्धको खेलमा मायामी बराबरीमा रोकिएको हो । खेलको ७५औं मिनेटमा मायामीले क्याम्पानाको गोलबाट अग्रता लिएको थियो । तर खेलको अन्तिम ९५औं मिनेटमा सान्डेसले गोल फर्काएपछि खेल बराबरीमा टुंगियो । उता स्पेनिस लिगमा रियल मड्रिडले उत्कृष्ट पुनरागमन गर्दै सहज जित दर्ता गरेको छ ।
गोलकिपर कोर्टियसको आत्मघाती गोलबाट स्पानियोल विरुद्ध पछि परेको रियलले दोस्रो हाफमा ४ गोल हान्यो । रियलका लागि केलियन एम्बाप्पे, काभान्जल, रोड्रिगो र भिनियस जुनियरले गोल गरे । एम्बाप्पेको गोल भने खेलको अन्तिम मिनेटमा पेनाल्टीबाट भएको हो । लिगमा रियल ६ खेलमा १४ अंकसहित दोस्रो स्थानमा छ ।
पहिलो स्थानमा बार्सिलोना छ ।
प्रतिक्रिया