सल्यान । सल्यानमा सोमबार बेलुका जीप दुर्घटना हुँदा चालकसहित ५ जना घाइते भएका छन् ।
त्रिबेणी गाउँपालिक-४ फलाबाङ्गबाट लुहाम बजार जाँदै गरेको रा १ च १०४३ नम्बरको बोलेरो जीप पुतली दरबारनजिकै दुर्घटना भएको हो । जिल्ला प्रहरी कार्यालय सल्यानका अनुसार घाइते हुनेमा त्रिबेणी गाउँपालिका-३ का चालक २८ वर्षीय कमल रेउले, वडा नं ४ का ५५ वर्षीय टोपबहादुर साहु, सोहो वडाका ५५ वर्षीया लाली रावत, ४० वर्षीया पुर्णकला बस्नेत र २९ वर्षीय रबिन्स महतरा रहेका छन् ।
घाइते सबैको अवस्था मध्यम रहेकोमा केहीलाई लुहाम बजार र केहीलाई उपक्षेत्रीय अस्पताल तुलसीपुर लगिएको प्रहरीले जनाएको छ । प्रहरीका अनुसार जीप सडकबाट २५ मिटर तल झरेको थियो ।
प्रतिक्रिया