नेप्सेको ओरालो यात्रा कायमै, ५७ अङ्कले घटेको बजार २५ सय बिन्दुमा ओर्लियो

काठमाडौं । साताको दोस्रो कारोबारको दिन सोमबार नेपाल स्टक एक्सचेन्ज (नेप्से) ५७ अङ्कले घटेर २५ सयको विन्दुमा झरेको छ ।

आज नेप्से परिसूचक ५७ दशमलव ०३ अङ्कले घटेर २५८० दशमलव ७६ को विन्दुमा अडिएको हो । यस दिन बजारमा १ करोड ७० लाख ६१ हजार ८०७ कित्ता सेयरको खरिदबिक्री हुँदा ७ अर्ब ३६ करोड १९ लाख ८८ हजार रुपैयाँको कारोबार भएको छ । अघिल्लो कारोबारका दिन आइतबार मात्रै परिसूचक ५० दशमलव ७३ अङ्कले घटेर २६३७ दशमलव ७९ को विन्दुमा अडिएको थियो ।

आइतबार बजारमा २ करोड ४८ लाख ४६ हजार ७८२ कित्ता सेयरको खरिदबिक्री हुँदा १० अर्ब ३३ करोड ९२ लाख रुपैयाँ बढीको कारोबार भएको थियो । ​​उपसमूहतर्फ रहेका १३ वटै समूह घटेका राताम्मे भएका छन् । सबै समूहहरू घटेका छन् । आज आत्मनिर्भर लघुवित्त वित्तीय संस्थाका लगानीकर्ताहरूले सर्वाधिक नाफा कमाएका छन् ।

आज यस कम्पनीको मूल्य १० प्रतिशतले बढेको छ । कारोबारका आधारमा सीईडीबी हाइड्रोपावर डेभलपमेन्ट कम्पनी ३१ करोड ११ लाख ४९ हजार रुपैयाँको साथ शीर्ष स्थानमा रहेको छ ।