काठमाडौं । पेट्रोल र डिजेल दुवैको मूल्य घटेको छ ।
नेपाल आयल निगमले राती १२ बजेदेखि लागु हुनेगरी पेट्रोलमा प्रतिलिटर चार रुपैयाँ र डिजेलमा प्रतिलिटर ५ रुपैयाँ मूल्य घटाएको हो । नयाँ मूल्य अनुसार काठमाडौं उपत्यकामा पेट्रोलको मूल्य १ सय ५९ रुपैयाँ पर्नेछ । डिजेल र मट्टितेलमा १ सय ४९ रुपैयाँ मूल्य निर्धारण गरिएको छ । यो मूल्य तेस्रो वर्ग अन्तर्गत पर्ने पोखरा र दिपायलमा समेत लागु हुनेछ ।
त्यस्तै दोस्रो वर्ग अन्तर्गत दाङ र सुर्खेतमा क्रमशः १५८ रुपैयाँ र १४८ रुपैयाँ तथा बाँकी पहिलो वर्ग अन्तर्गतका क्षेत्रहरूमा १५६ दशमलव ५ रुपैयाँ र १४६ दशमलव ५ रुपैयाँ मूल्य निर्धारण गरिएको निगमले जनाएको छ ।
प्रतिक्रिया