एजेन्सी । इंग्लिस प्रिमियर लिगमा साविक विजेता म्यानचेस्टर सिटीले लगातार चार खेलमा जित निकालेको छ।
शनिबार भएको खेलमा सिटीले ब्रेन्टफोर्डलाई २–१ गोलले पराजित गरेको छ । सिटीको जितमा दुवै गोल अर्लिङ हाल्यान्डले गरे। उनले खेलको १९ र ३२ मिनेटमा गोल गरेका थिए। उनले चार खेलमा नौ गोल गरिसकेका छन्। त्यसअघि ब्रेन्टफोर्डका विसाले २३ सेकेन्डमै गोल गरेका थिए।
लिगमा शीर्ष स्थानको सिटीको चार खेलबाट १२ अङ्क भएको छ भने लगातार चार खेलमा जित निकाल्ने एक्लो टोली भएको छ। यता लिभरपुल भने पराजित भएको छ। लिभरपुललाई नटिंघम फरेस्टले १–० गोलले पराजित गरेको छ । सअघि लगातार तीन खेलमा जित निकालेको लिभरपुल चौथो खेलमा भने पराजित भएको हो।
अर्को खेलमा म्यानचेस्टर युनाइटेडले साउथह्याम्पटनलाई ३–० र चेल्सीले वर्नमाउथलाई १–० ले पराजित गरेको छ।
प्रतिक्रिया