सिन्धुपाल्चोक । उत्तरी नाका तातोपानी जोड्ने बाह्रबिसे(तातोपानी सडक खण्डमा छ्याक्सामुनि भोटेकोसी नदीमा क्षतिग्रस्त बोलेरो भेटिएको छ ।
इलाका प्रहरी बाह्रबिसेका अनुसार शुक्रबार बिहान भोटेकोसी नदीमा आधा डुबेको अवस्थामा बोलेरोको दुई वटा टायर देखिएको थियोे । प्रहरीका अनुसार अपराह्न १ बजेतिर उक्त घटना भएको थाहा भएपनि गाडी कहाँबाट कहाँ जाँदै थियो र मान्छे के–कति थिए भनेर यकिन भइसकेको छैन ।
अहिले नेपाल प्रहरी, नेपाली सेना र सशस्त्र प्रहरीको टोलीले क्रेनको सहायताले गाडी नदीबाट निकाल्ने प्रयास गरिरहेका जनाइएको छ। सो क्षेत्रमा नदीको बहाब बढिरहेको र पानी पनि परिरहेकाले उद्धारमा समस्या भएको प्रहरीको भनाई छ ।
प्रतिक्रिया