काठमाडौं । लगातार ६ दिनदेखि घटेको सेयर बजार परिसूचक नेप्से साताको अन्तिम कारोबारको दिन बिहीबार भने बढेको छ ।
बिहीबार नेप्से परिसूचक ७८ दशमलव १७ अंकले बढेर २६८८ दशमलव ३८ विन्दुमा पुगेको हो। त्यस्तै, आज सेन्सेटिभ इण्डेक्स १३ दशमलव ३९ अंक बढेको छ भने फ्लोट इण्डेक्स ५ दशमलव ३८ अंक र सेन्सेटिभ फ्लोट इण्डेक्स ४ दशमलव ८३ अंक बढेको छ। नेप्से बढेसँगै कारोबार रकम पनि बढेको छ बुधबार ६ अर्ब ८५ करोडको शेयर खरिदबिक्री भएको बजारमा बिहीबार ८ अर्ब १६ करोड ९२ लाख ७४ हजार रुपैयाँ बराबरको शेयर कारोबार भएको छ।
१३ उपसमूहमध्ये यस दिन म्युचुअल फण्ड उपसमूहबाहेक अरु सबै उपसमूहको परिसूचक बढेको छ।
प्रतिक्रिया