एजेन्सी । यूईएफए नेसन्स लिगअन्तर्त नेदरल्यान्ड्स र जर्मनीबीचको खेल बराबरीमा सकिएको छ ।
निर्धारित समयमा दुवै टोलीले २-२ गोल गरेसँगै खेल बराबरीमा सकिएको हो । नेदरल्यान्डस्ले खेलको दोस्रो मिनेटमै गोल गर्दै जर्मनीविरुद्ध अग्रता लिएको थियो । तर, ३८औँ मिनेटमा जर्मनीले बराबरी गोल फर्कायो । त्यस्तै पहिलो हाफको इन्जुरी समयमा जर्मनीले नेदरल्यान्ड्स्विरुद्ध अर्को गोल गर्दै २-१ को अग्रता लियो ।
तर, खेलको ५०औँ मिनेटमा नेदरल्यान्ड्सले बराबरी गोल फर्कायो । त्यसपछि कुनै गोल हुन नसक्दा खेल बराबरीमा सकिएको हो । लिगअन्तर्गत हंगेरी र बोस्नीय हर्जगोबिनाबीचको खेल गोलरहीत बराबरीमा सकिँदा जर्जियाले अल्बानियालाई १-० ले पराजित गरेको छ । त्यस्तै चेचियाले युक्रेनलाई ३-२ गोलअन्तरले पराजित गरेको छ भने इङ्ल्यान्डले फिनल्यान्डलाई २(० ले स्तब्ध पारेको छ । उता आयरल्यान्ड भने ग्रिससँग २-० ले पराजित भयो ।
त्यस्तै नर्थ मेसेडोनियाले अर्मेनियाविरुद्ध २-० को जित निकाल्दा माल्टासँग एन्डोरा १-० ले पराजित भयो ।
प्रतिक्रिया