यूएस ओपनः विश्व नम्बर एक सिनरले जिते उपाधि

एजेन्सी । विश्व नम्बर एक जनिक सिनरले पहिलो पटक युएस ओपन टेनिसको उपाधि जितेका छन्।

टेलर फ्रिट्जलाई पराजित गर्दै उनले यस वर्षको आफ्नो दोस्रो ग्रान्डस्लाम उपाधि सुनिश्चित गरेका हुन्। इटालीका सिनरले यसअघि गत जनवरीमा अष्ट्रेलियन ओपन जितेर पहिलो प्रमुख उपाधि जितेका थिए। अमेरिकी १२औं वरियताका फ्रिट्जको अन्तिम प्रयासलाई रोक्दै सिनरले ६–३, ६–४, ७–५ को सेटमा जित हासिल गरेका थिए।

यो उपाधि जित्नुभन्दा १९ दिन अघि मार्चमा दुई पटक प्रतिबन्धित पदार्थको परीक्षणमा पोजिटिभ देखिएको भए तापनि उनी निर्दोष प्रमाणित भएका समाचारहरु बाहिरिएका थिए। उनी १९७७ मा गिलर्मो भिलासपछि एउटै सिजनमा पहिलो दुई ग्रान्ड स्लाम उपाधि जित्ने खेलाडी बने।

सिनर फ्लशिङ मीडोजमा एकल उपाधि जित्ने पहिलो इटालियन खेलाडीसमेत बने।