तनहुँको घाँसीकुवामा पहिरो खस्दा पृथ्वी राजमार्ग अवरुद्ध

कास्की । घासीकुवामा सडक माथिबाट पहिरो खस्दा काठमाडौंलाई पोखरासँग जोड्ने पृथ्वी राजमार्ग अवरुद्ध भएको छ।

तनहुँको व्यास नगरपालिका–१२ घाँसीकुवामा बिहान खसेको पहिराले सडक अवरुद्ध भएको हो। गएरातिदेखि परेको अविरल वर्षाका कारण बिहान ४ बजे पहिरो खसेको जिल्ला प्रहरी कार्यालय तनहुँले जनाएको छ। सडक पूर्ण रुपमा अवरुद्ध भएको छ। पहिरो पन्छ्याउने काम भैरहेको छ।

घाँसिकुवामा पृथ्वी राजमार्गको वैकल्पिक सडक घाँसीकुवादेखी रानिगाँउ तालघरे हुँदै दमौली निस्कने सडक पनि अवरुद्ध छ। बुल्दिखोलामा पानी सतह बढेर पुल माथिबाटै हिँडेपछि अवरुद्ध भएको हो।