काठमाडौं । बुधबार धितोपत्र बजारमा शेयर कारोबार मापक नेप्से परिसूचक बुधबार झिनो अंकले बढेको छ ।
नेपाल स्टक एक्सचेञ्जका अनुसार नेप्से परिसूचक ० दशमलव १३ अङ्कले बढेर दुई हजार सात सय ८६ दशमलव ४० अंकमा पुगेको छ । अघिल्लो कारोबारमा नेप्से २७८२ दशमलव ६० अंक रहेको थियो । बुधबार १३ अर्ब ७२ करोड ७३ लाख ६८ हजार ३९३ रुपैयाको कारोबार भएको छ ।
अघिल्लो कारोबार दिन अर्थात मंगलबार १८ अर्ब ४६ करोडको शेयर खरिदबिक्री भएको थियो । बुधबार ३२६ वटा कम्पनीको कारोबार हुँदा ९७ कम्पनीको शेयर मुल्य बढेको छ भने १४३ कम्पनीको शेयर मुल्य घटेको छ ।
त्यसैगरी ४ वटा कम्पनीको कारोबारमा कुनै परिवर्तन भएको छैन ।
प्रतिक्रिया