कास्की । पोखरा महानगरपालिका वडा नम्बर १७ को घारीपाटन चोकमा शुक्रबार दिउँसो स्कुल बस अनियन्त्रित भई दुर्घटना हुँदा एक जना घाइते भएका छन् ।
पोखरा ८ मा रहेको न्यू मोडल सेकेन्डरी स्कुलको ग१क ४६६१ नम्बरको बस दुर्घटना हुँदा चालक पोखरा ९ बस्ने ५४ वर्षीय दलबहादुर गुरुङ घाइते भएका छन् । दिउँसो ३ बजेतिर अनियन्त्रित बनेको बसले मोडमा तीन ट्याक्सीलाई ठक्कर दिएको थियो । बसको ठक्करपछि रोडबाट तल खसेको ट्याक्सीमाथि नै बससमेत खसेको प्रहरीले जनाएको छ ।
चालक गुरुङको शरीरमा बाहिरी चोटपटक देखिएको छैन । उनले छातीमा ठोक्किएको बताएको र गण्डकी मेडिकल कलेजमा उपचार भइरहेको प्रहरीले जनाएको छ ।
बसले ठक्कर दिँदा ग१ज २९३४, ग१ज २२४१ र ग१ज ४१८० नम्बरको ट्याक्सीमा क्षति भएको छ ।
प्रतिक्रिया