एजेन्सी । इंग्लिस प्रिमियर लिग (इपिएल) को नयाँ संस्करणको दोस्रो दिन भएको खेलमा आर्सनलले सहज जित निकालेको छ ।
इपिएलको २०२४–२५ संस्करणको आफ्नो पहिलो खेलमा आर्सनलले उल्भ्सलाई २–० ले पराजित गरेको हो । खेलको २५ औँ मिनेटमा हेभ्रेटेजले गोल गर्दै आर्सनललाई सुरुवाती अग्रता दिलाए । पहिलो हाफ १–० ले अघि रहेको आर्सनलले दोस्रो हाफमा थप एक गोल गर्न सफल बन्यो । आर्सनलको लागि साकाले खेलको ७४ औँ मिनेटमा गोल गर्दै टिमलाई २–० को जित दिलाए ।
गएराति नै भएको अन्य खेलहरूमा ब्राईटनले एभर्टनलाई ३–० ले पराजित गरेको छ । त्यसैगरी एस्टन भिल्लाले वेस्टह्याम्पलाई २–१ तथा न्यु क्यास्टलले साउथह्याम्पलाई १–० ले पराजित गर्दा बर्नमाउथ र नर्दन फरेस्टविचको खेल १–१ को बराबरीमा सकिएको छ ।
प्रतिक्रिया