सोलुखुम्बु । सोलुखुम्बुको खुम्बु पासाङल्हामु गाउँपालिका हुँदै बग्ने भोटेकोशीमा पानीको बहाव बढेपछि बाढी आउँदा तीन वटा घर बगाएको छ।
कोशी प्रदेश प्रहरी कार्यालयका अनुसार शुक्रबार दिउँसो कोशीमा जलस्तर बढेसँगै गाउँपालिका–५ थामेका तीन घर बगाएको थियो। बाढीका कारण मानवीय क्षति भएकोबारे कुनै जानकारी नआएको प्रहरीले जनाएको छ। तर, बाढीले तीन घर बगाउनुका साथै एउटा होस्टेल र थप ४ घर जोखिममा रहेका छन्।
बाढीले भौतिक संरचनामा क्षति पुर्याएसँगै इलाका प्रहरी कार्यालय थाम्बुचे र इलाका प्रहरी कार्यालय नाम्चेबाट प्रहरी टोली उद्धारका लागि खटिएको प्रहरीले जनाएको छ । थामे गाउँमा एक्कासी बाढी आउँदा हिमताल फुटेको अनुमान गरिएको थियो।
प्रतिक्रिया