स्पेनिस ला लिगा शुरु, पहिलो दिनका दुवै खेल बराबरीमा रोकिए

काठमाडौं । स्पेनिस ला लिगा फुटबल बीहिबार रातिबाट सुरु भएको छ ।

पहिलो दिनका दुवै खेल बराबरीमा टुंगिएका छन् । पहिलो खेलमा एथलेटिको बिलबाओ र गेटाफेले १–१ को बराबरी खेलेका छन् । यस्तै जिरोनाले रियल बेटिसलाई १–१ को बराबरीमा रोकेको छ । गत सिजन आश्चर्यजनक टिम रहेको जिरोनाले तेस्रो स्थान हात पारेको थियो ।

ओहन सासेटको गोलले बिलबाओले २७ औं मिनेटमा अग्रता लिएको थियो । क्रिससान्टोस उचेले ६४ औं मिनेटमा बराबरी गोल गरे । यस्तै अर्को खेलमा मार्क बारट्राले छैटौं मिनेटमा गोल गर्दै बेटिसलाई सुरुआती अग्रता दिलाएका थिए ।

ग्याब्रिएल मिसहोयले ७२ औं मिनेटमा जिरोनाका लागि बराबरी गोल फर्काए र दुवै टिमले एक–एक अंकमा चित्त बुझाए ।