मंगलबार ८ दशमलव १८ अंकले घट्यो नेप्से

काठमाडौं । नेप्से परिसूचक मंगलबार ८ दशमलव १८ अंकले घटेको छ।

आइतबार र सोमबार उच्च वृद्धि भएको बजार आज दिनभरको उतारचढावको बीच ८ दशमलव १८ अंकले घटेर २९२३ दशमलव ४६ अंक कायम भएको हो। आज ३३२ स्क्रिप्टको ५ करोड २७ लाख ६४ हजार ८३२ कित्ता सेयर २१ अर्ब ५१ करोड ५ लाख १० हजार ६३३ रुपैयाँमा खरिदबिक्री भए।

नेप्से परिसूचक घटे पनि मातृभूमि लघुवित्त, पिपुल्स पावर र डोल्टी पावरको सेयर मूल्यमा सकरात्मक सर्किट लाग्यो। १३ वटामध्ये पाँचवटा समूहका सूचकमा वृद्धि भयो। बैंकिङ, फाइनान्स, इनभेस्टमेन्ट, लाइफ इन्स्योरेन्स र ट्रेडिङ को सूचकमा वृद्धि भएको हो। फाइनान्सतर्फ १।५७ प्रतिशत वृद्धि भएको छ।

करिब ८२ करोडको कारोबार गर्दै नेपाल फाइनान्स अग्र स्थानमा रह्यो। आइतबार र सोमबारको तुलनामा कारोबार रकम घटेपनि कारोबारमा उत्साह कायमै देखिन्छ।