काठमाडौं । बिहीबार नेपाली बजारमा सुनको मूल्य तोलामा ३ सयले घटेको छ ।
बुधबार हालसम्मकै उच्च मूल्य कायम भएको सुन बिहीबार भने ३ सय रुपैयाँले घटेको हो । नेपाल सुनचाँदी व्यवसायी महासंघले यस दिनका लागि सुनको भाउ तोलामा १ लाख ४९ हजार ५ सय रुपैयाँ तोकेको छ ।अघिल्लो दिन प्रतितोला २ हजार रुपैयाँ मूल्य बढेर १ लाख ४९ हजार ८ सय रुपैयाँ कायम भएको थियो । त्यस्तै चाँदीको भाउ प्रतितोला ३५ रुपैयाँ घटेको छ ।
बिहीबार चाँदीको मूल्य प्रतितोला १८६० रुपैयाँ कायम भएको छ । अघिल्लो दिन १ हजार ८ सय ९५ रुपैयाँमा कारोबार भएको थियो ।
प्रतिक्रिया