तेस्रो अभ्यास खेलमा नेपाल दुई रनले विजयी

काठमाडौँ । एसीसी महिला एसिया कप क्रिकेट प्रतियोगिताको अन्तिम तयारीमा व्यस्त नेपाली टोलीले मंगलबार सम्पन्न आफ्नो तेस्रो अभ्यास खेलमा सफलता हात पारेको छ ।

हाल श्रीलंकामा रहेको नेपाली टोलीले तेस्रो अभ्यास खेलमा श्रीलंका डेभलपमेन्ट स्क्वाड टोलीमाथि दुई रनको रोमाञ्चक जित हासिल गरेको हो । पहिले ब्याटिङ गरेको नेपाली टोलीले निर्धारित २० ओभरमा ६ विकेट गुमाएर एक सय १२ रन बनाएको थियो । नेपालका लागि रुविना क्षेत्रीले २६ बलमा सर्वाधिक ३७ रन बनाएकी थिइन् ।

बिन्दू रावलले ३१ बलमा २० रन थपिन् । जवाफी ब्याटिङमा ओर्लिएको श्रीलंका डेभलपमेन्ट स्क्वाडले भने १९ दशमलव ५ ओभरमै अलआउट हसनुअघि एक सय १० रनमात्र बनाउन सक्यो । नेपाली टोली पहिलो र दोस्रो अभ्यास खेलमा भने श्रीलंका डेभलपमेन्ट स्क्वाड टोलीसँग पराजित भएको थियो ।

नेपाली टोली पहिलो अभ्यास खेलमा ‘डकवर्थ एन्ड लुइस’ नियमका आधारमा ३३ रनले पराजित भएको थियो । नेपाली टोली दोस्रो अभ्यास खेलमा चार विकेटले पराजित भएको थियो ।रोमा थापा र डली भट्ट रहेका छन् ।