तीन सय दिनभित्र टीयू क्रिकेट मैदानलाई सुविधासम्पन्न बनाउने प्रधानमन्त्री ओलीको घोषणा

काठमाडौं । सरकारले कीर्तिपुरको टीयू क्रिकेट मैदानलाई सुविधासम्पन्न बनाउने निर्णय गरेको छ ।

सोमबार पदभार ग्रहण गर्दै प्रधानमन्त्री केपी शर्मा ओलीले तीन सय दिनभित्र कीर्तिपुर क्रिकेट मैदानलाई सुविधासम्पन्न रंगशाला बनाउने पहिलो निर्णय गरेका हुन् । उनले यसको जानकारी सामाजिक सञ्जाल फेसबुकमार्फत दिएका छन् । उनले लेखेका छन, ‘कीर्तिपुर क्रिकेट मैदानलाई सुविधासम्पन्न रंगशाला बनाउने, जसमा दर्शक बस्नको लागि प्याराफिट, रात्रिकालीन खेलको लागि फ्लडलाइट निर्माण गर्ने लगायत आवश्यक संरचना बनाउने निर्णय भएको छ।

यस कामका लागि तीन सय दिनको समयसीमा तोकिएको छ’, ओलीले भनेका छन् ।