दाङ । तीन दिनदेखि लगातार परेको विरल बर्षाका कारण बबई नदीमा आएको बाढीले झोलुङ्गे पुल बगाएको छ ।
दंगीशरण गाउँपालिका वडा नं.१ को रहरपुर र वडा नं. ४ को बैबाङ जोड्ने झोलुङ्गे पुलमा बबई नदीमा आएको बाढीले क्षति गरेको हो । बबई नदीमा आएको बाढीले झोलुङ्गे पुलको दंगीशरण गाउँपालिका वडा नं १ रहरपुरतिरको पुलको पिलर बगाई पुलमा क्षति पुर्याएको जिल्ला प्रहरी कार्यालय दाङले जनाएको छ । प्रहरीका अनुसार शनिवार साँझ नदीमा आएको बाढीले पुललाई अड्याउने पिलरमा क्षति गरेको छ ।
बाढीले पुलमा क्षति गरेपछि उक्त झोलुङ्गे पुल भएर हिँडडुल गर्न बन्द गरिएको छ । पुलमा बाढीले क्षति गरेपछि स्थानीयलाई हिँडडुलमा समस्या भएको छ ।
प्रतिक्रिया