राप्ती नदीमा बेपत्ता दुई किसानको शव फेला

दाङ । दाङमा राप्ती नदीको बाढीले बगाएर दुई जना किसानको मृत्यु भएको छ ।

शनिबार बाढीले बगाएर वेपत्ता भएका दुई किसानको शव आइतबार फेला परेको हो । लमही नगरपालिका–८ निवासी ५५ वर्षीय मनिराम चौधरीको शव पाँच समय मिटर पश्चिम मकै बारीको छेउमा फेला परेको प्रहरीले जनाएको छ । शनिबार दिउँसो चौधरी बग्रपुरबाट राप्ती नदीको बाढीमा उनी बेपत्ता भएका थिए ।

आइतबार विहान शव फेला परेको र पोस्टमार्टमको लागि लमही अस्पतालमा राखिएको प्रहरीले जनाएको छ । यसअघि राजपुर गाउँपालिका– २ बेला निवासी १७ वर्षीय राजकुमार यादवको शव फेला परेको जिल्ला प्रहरीले जनाएको छ ।

दूध बिक्री गरी घर फर्कने क्रममा शनिबार बिहान लमही नगरपालिका वडा नम्बर ७ हस्नापुर घाटबाट उनी बगेर बेपत्ता भएका थिए ।