भारतविरुद्ध जिम्बाबेको शानदार जित

एजेन्सी । जिम्बाबेले भारतविरुद्धको टी–२० सिरिजमा विजयी सुरुवात गरेको छ ।

शनिबार सम्पन्न टी–२० सिरिजको पहिलो खेलमा जिम्बाबेले भारतलाई १३ रनले पराजित गर्दै सिरिजमा विजयी सुरुवात गरेको हो । जिम्बाबेले दिएको १ सय १६ रनको मध्यम लक्ष्य पछ्याएको भारतले १९ दशमलव ५ ओभरमा अलआउट हुँदै १ सय २ रन मात्र बनाउक सक्यो । भारतका लागि कप्तान शुभमन गिलले सर्वाधिक ३१ र वाशिंगटन सुन्दरले २७ रन बनाएका थिए ।

त्यस्तै, आभेश खानले १६ रन बनाए भने अन्य ब्याट्सम्यानले दोहोरो अंकमा रन बनाउन सकेनन् । त्यस्तै, जिम्बाबेका बलर सिकन्दर राजा र टेन्डाई चतराले ३–३ विकेट लिएका थिए ।

यसअघि टस हारेर पहिला ब्याटिङ गरेको जिम्बाबेले २० ओभरमा ९ विकेट गुमाउँदै १ सय १५ रन बनाएको थियो ।