काठमाडौं । शुक्रबार रातिबाट निरन्तर परेको बर्षासँगै आएको बाढी र पहिरोले देशभरका विभिन्न राजमार्ग र सडकहरु अवरुद्ध भएका छन् ।
अविरल बर्षापछि खसेको पहिराले काठमाडौं–हेटौँडा जोड्ने विभिन्न मार्गहरु पनि अवरुद्ध भएका छन् । प्रहरीको अनुसार अविरल वर्षापछि आएको पहिरोको कारण हेटौंडा–सिस्नेरी–दक्षिणकाली सडक, कान्तिलोकपथ, हेटौंडा चखेल–मातातिर्थ सडक बन्द भएको छ ।
दक्षिणकाली सडकखण्ड अन्तर्गत मकवानपुरको इन्द्रसरोबर गाउँपालिका वडा नम्बर २ छेपारेमा वर्षाको कारण सडक माथिबाट पहिरो आई बाटो पुर्णरुपमा अवरुद्ध भएको छ । यस्तै सिस्नेरी सडकखण्डको विभिन्न स्थानमा पहिरो खस्दा बाटो अवरुद्ध छ । यसैगरी मकवानपुरको इन्द्रसरोवर–५ महालक्ष्मी खोला नजिक पहिरो खस्दा मातातीर्थ, चखेल सडक खण्ड अवरुद्ध भएको छ । अहिलेपनि वर्षा भइरहेकोले सडख खुलाउन सकिएको छैन ।
त्यसैगरी कान्तिलोकपथ अन्तरगत मकवानपुर तथा ललितपुरको विभिन्न स्थानमा पहिरो जादा सडक अवरुद्ध भएको प्रहरीको भनाई छ ।
प्रतिक्रिया