एजेन्सी । लेबर पार्टीका नेता कियर स्टारमर बेलायतको प्रधानमन्त्रीमा नियुक्त भएका छन् ।
विहिबार सम्पन्न आम निर्वाचनमा शानदार जित हासिल गरेको लेबर पार्टीका नेता स्टारमरलाई राजा चार्ल्स तृतीयले प्रधानमन्त्रीमा नियुक्त गरेको बिबिसीले जनाएको छ । सम्पन्न आम निर्वाचनमा लेबर पार्टीले ६ सय ५० मध्य ४ सय १२ सिट जितेको छ । जुन २०१९ को भन्दा २ सय ११ सिटले बढी हो । त्यस्तै लज्जास्पद हार बेहोरेको ऋषि सुनक नेतृत्वको कन्जरभेटिभ पार्टीले १ सय २१ सिटमा जित हासिल गरेको छ । जुन २०१९ को भन्दा २ सय ५० ले कम हो ।
यस अघि बकिंगघम प्यालेस पुगेर ऋषि सुनकले प्रधानमन्त्री पदबाट राजीनामा दिएका थिए । उनले अब पार्टीको नेतृत्व पनि छोड्ने घोषणा गरेका छन् ।
प्रतिक्रिया