मुम्बईमा विश्वकप विजेता भारतीय क्रिकेट टीमको भव्य विजयोत्सव

एजेन्सी । टी–२० विश्वकप क्रिकेट २०२४ को विजेता भारतीय टिमको भारतमा भव्य स्वागत भएको छ ।

बिहीबार बिहान आएको टिमले बिहानै प्रधानमन्त्री नरेन्द्र मोदीलाई पनि भेटेको थियो । साँझ भएको भिक्ट्री परेड (विजयोत्सव) मा तीन लाख मानिस सहभागी भएका थिए । मुम्बईको नरिमन पोइन्टबाट भएको उक्त विजयोत्सवमा सबै खेलाडीहरु ओपन बसमा सवार रहेका थिए ।

परेडको समापन २ दशमलव २ किलोमिटरको स्थानमा रहेको वानखेडे स्टेडियममा भएको थियो । सो क्रममा भारतीय क्रिकेट कन्ट्रोल बोर्ड (बीसीसीआई) ले भारतीय टिमलाई १ सय २५ करोड भारु पुरस्कार समेत दिएको थियो । वर्षाका कारण पनि प्रशंसक भने रोकिएका थिएनन् । भारतले वेष्ट इन्डिज र अमेरिकाको संयुक्त आयोजनामा भएको विश्वकपको फाइनलमा दक्षिण अफ्रिकालाई पराजित गर्दै उपाधि जितेको थियो ।

भारतले टी–२० मा दोस्रो विश्वकप उपाधि जितेको हो । यसअघि भारतले सन् २००७ को पहिलो संस्करण जितेको थियो ।