४७ अङ्कले बढ्यो नेप्से, साढे ४ अर्ब रुपैयाँको कारोबार

काठमाडौं । साताको तेस्रो कारकोबारको दिन मंगलबार सेयर बजार परिसूचिक नेप्से ४७ दशमलव ०४ अंकले बढेर २१ सय ४३ विन्दुमा कायम भएको छ ।

सत्ता समीकरण परिवर्तन भएसँगै त्यसको पत्यक्ष प्रभाव सेयर बजारमा पनि देखिएको हो । आज सबै समूहको शेयर बढेकोमा बीमा, उत्पादन, व्यापार, विकास बैंक, माइक्रोफाइनान्स, होटल, फाइनान्स समूहको शेयर उच्च अङ्कले उकालो लागेको छ । आज हिमालयन डिस्टिलरी कम्पनीको शेयर साढे ८ प्रतिशतले बढेको छ ।

उच्च अङ्कले बजार बढेको दिन उपकार लघुवित्त र हिमालयन ऊर्जा विकास कम्पनीको शेयर भने ६ प्रतिशतभन्दा धेरैले घटेको छ । आज कारोबार रकम पनि बढेको छ । हिजो झन्डै ३ अर्बको कारोबार भएकोमा आज ३ सय १५ वटा कम्पनीका १ करोड १६ लाख कित्ता शेयर ४ अर्ब ५७ करोड रुपैयाँमा कारोबार भएको छ ।

यसअघि आज दुई पटक सकारात्मक सर्किट ब्रेक लागेर कारोबार केही समयका लागि रोकिएको थियो ।