अर्जेन्टिनासँग चिली १–० गोल अन्तरले पराजित

एजेन्सी । जारी कोपा अमेरिका २०२४ अन्तर्गत बुधबार बिहान भएको खेलमा अर्जेन्टिनाले चिलीलाई १–० गोल अन्तरले पराजित गरेको छ ।

खेलमा दबाब बनाएको अर्जेन्टिनाले ८८औँ मिनेटमा लाउटारो मार्टिनेजले गोल गरेसँगै अग्रता लिएको हो । उक्त गोल निर्णायक बन्दा अर्जेन्टिना १–० ले विजयी भएको हो । चिलीले २ वटा पहेँलो कार्ड पाएको खेलमा अर्जेन्टिनाले ११ वटा कर्नर प्रहार गरेको थियो । यो जितसँगै अर्जेन्टिना समूह ए को शीर्ष स्थानमा रहेको छ ।

अर्जेन्टिनाले खेलेका २ खेलमा जित निकाल्दै ६ अंकसहित आफूलाई शीर्ष स्थानमा राखेको हो । यससँगै अर्जेन्टिनाले क्वाटरफाइनलमा आफ्नो स्थान पनि सुरक्षित गरेको छ । त्यस अगाडि यसै समूहको खेलका क्यानाडाले पेरुलाई १–० ले हराएको थियो । अर्जेन्टिनाको पछाडि दोस्रोमा क्यानाडा तीन अंकमा रह्यो ।

पेरु र चिलीको एक एक अंक छ । अर्जेन्टिनाले आफ्नो पहिलो खेलमा क्यानाडालाई २–० ले हराएको थियो ।