पूरा भयो सेमिफाइनल समिकरण, सुपर–८ चरणबाटै बाहिरियो अस्ट्रेलिया

एजेन्सी । वेष्ट इन्डिज र अमेरिकामा जारी आईसीसी टी–२० विश्वकपको सेमिफाइनल समिकरण पुरा भएको छ ।

मंगलबार बिहान भएको खेलमा बंगलादेशलाई ८ रनले पराजित गर्दै अफगानिस्तानले आफ्नो सेमिफाइनल यात्रा तय गरेपछि समिकरण तयार भएको हो । सुपर–८ को समूह १ बाट भारत समूह विजेता र अफगानिस्तान उपविजेता हुँदै सेमिफाइनलमा पुगेका छन् । यस्तै समूह २ बाट साउथ अफ्रिका समूह विजेता र इंग्ल्याण्ड उपविजेता हुँदै सेमिफाइनमा पुगेका हुन् ।

अफगानिस्तान सेमिफाइनमा पुगेसँगै पूर्वविजेता अस्ट्रेलिया भने सुपर–८ चरणबाटै घर फर्किएको छ । सेमिफाइनल चरणका खेलहरु आउँदो २७ तारिखबाट सुरु हुनेछन् । सेमिफाइन चरणको पहिलो खेल २७ तारिख बिहान ६ बजेर १५ मिनेटमा दक्षिण अफ्रिका र अफगानिस्तानबीच हुनेछ ।

यस्तै सेमिफाइनलको दोस्रो खेल सोहिदिन राति ८ बजेर १५ मिनेटमा भारत र इंग्ल्याण्डबीच हुनेछ ।