एजेन्सी । जारी टी–२० विश्वकप अन्तर्गत सोमबार बिहान भएको खेलमा वेष्ट इन्डिजलाई पराजित गर्दै दक्षिण अफ्रिकाले सेमिफाइनलमा आफ्नो स्थान सुरक्षित गरेको छ ।
सुपर–८ चरण अन्तर्गत भएको समूह २ को खेलमा आयोजक वेष्ट इन्डिजलाई ‘डकवर्थ एन्ड लुइस’ नियमका आधारमा ३ विकेटले हराउँदै दक्षिण अफ्रिका सेमिफाइनलमा पुगेको हो । पानी परेपछि ओभर र लक्ष्य घटाउँदै आयोजक वेस्ट इन्डिजले दक्षिण अफ्रिकासामु जितका लागि १७ ओभरमा १ सय २३ रनको लक्ष्य प्रस्तुत गरेको थियो । दक्षिण अफ्रिकाले उक्त लक्ष्य १६ दशमलव १ ओभरमा ७ विकेटको क्षतिमा पछ्याएको थियो ।
यसअघि टस हारेर पहिले ब्याटिङ गरेको वेस्ट इन्डिजले निर्धारित २० ओभरमा ८ विकेट गुमाउँदै १ सय ३५ रन बनाएको थियो।
प्रतिक्रिया