एजेन्सी । इङ्गल्याण्ड जारी टी–२० विश्वकप क्रिकेटको सेमिफाइनलमा पुगेको छ ।
सुपर आठ अन्तर्गत गएराति भएको खेलमा अमेरिकामाथि १० विकेटको फराकिलो जित हासिल गर्दै इङ्गल्याण्डले समूह २ बाट सेमिफाइनलमा आफ्नो स्थान पक्का गरेको हो । अमेरिकाले दिएको १ सय १६ रनको लक्ष्य इङ्गल्याण्डले ९ दशमलव ४ ओभरमा कुनै विकेट नगुमाएर पूरा गरेको थियो । इङ्गल्याण्डका लागि कप्तान जोस बटलरले आक्रामक ब्याटिंग गर्दै ३८ बलमा ८३ रन बनाएका थिए । त्यस्तै फिल साल्टले २५ रन बनाएका थिए ।
यसअघि टस हारेर पहिले ब्याटिंग गरेको अमेरिकाले १८ दशमलव ५ ओभरमा अल आउट हुँदै १ सय १५ रन मात्र बनाउन सकेको थियो ।
प्रतिक्रिया