एजेन्सी । जारी युरोकप २०२४ को समूह चरणमा फ्रान्स र नेदरल्याण्ड्सले बराबरी खेलेका छन् ।
शुक्रबार राति जर्मनीको लाइप्जिङ रंगशालामा भएको खेलमा दुवै टिमले गोलरहित बराबरी खेल्दै अंक बाँडेका हुन् । समूह ‘डी’मा रहेका यी दुई टिमले गोलरहित बराबरी खेल्दै तालिकामा एक(एक अंक थपेपछि दुवैको समान चार(चार अंक भएको छ । यो खेलमा फ्रान्सका स्टार खेलाडी केलियन एम्बाप्पे खेल्न पाएनन् ।
अघिल्लो खेलमा नाकमा चोट बोकेका एम्बाप्पेले फेस सिल्ड लगाएर खेल्ने बताइए पनि नेदरल्याण्ड्सविरुद्ध उनलाई आराम दिइएको थियो । नेदरल्याण्ड्सका जाभी सिमोन्सले ६९औं मिनेटमा गोल गरे पनि भिएआरले चेक गर्दा अफसाइड भएको पाएपछि गोलले मान्यता नपाउँदा अग्रता लिन सकेन ।
अन्ततः दुवै टिमले गोलरहित बराबरी नै खेले ।
प्रतिक्रिया