वेष्टइन्डिजसँग अफगानिस्तानको लज्जास्पद हार, विश्वकपको समूह चरणका खेल सकिए

काठमाडौं । जारी आईसीसी टी–२० विश्वकप क्रिकेट अन्तर्गत मंगलबार बिहान भएको खेलमा वेष्टइन्डिजले अफगानिस्तानमाथि एक सय चार रनको सजिलो जित हासिल गरेको छ ।

वेष्टइन्डिजले दिएको २ सय १९ रनको लक्ष्य पछ्याएको अफगानिस्तान १६ ओभर दुई बलमा १ सय १४ रन बनाए अलआउट भएपछि वेष्टइन्डिजले फराकिलो जीत हात पारेको हो । जितसँगै वेस्ट इन्डिज समूह ‘सी’ को विजेता बन्दै ‘सुपर–८’ चरणमा पुगेको छ । अफगानिस्तान भने समूह उप–विजेताका रुपमा ‘सुपर–८’ चरणमा प्रवेश गरेको छ ।

मंगलबार बिहान सम्पन्न यो खेलसँगै नवौँ विश्वकपमा समूहगत चरणको खेल पनि सकिएको छ । ‘सुपर–८’ चरणमा पुग्ने आठवटै टोलीको टुङ्गो लागिसकेको छ ।