तोलामा १६ सयले बढ्यो सुनको मूल्य

काठमाडौं । आइतबार सुनको भाउ तोलामा १६ सय रुपैयाँ बढेको छ ।

नेपाल सुनचाँदी व्यवसायी महासंघका अनुसार यस दिन सुनको मूल्य प्रतितोला १ लाख ४२ हजार ८ सय रुपैयाँ तोकिएको छ । अघिल्लो दिन तोलाको १ लाख ४१ हजार २ सय रुपैयाँ तोकिएको थियो । जेठ २५ गते सुनको भाउ हालसम्मकै उच्च १ लाख ४५ हजार रुपैयाँ पुगेको थियो । त्यस्तै चाँदीको भाउ तोलामा २० रुपैयाँ बढेको छ ।

अघिल्लो दिन चाँदी प्रतितोला १ हजार ८ सय रुपैयाँ रहेकोमा आइतबार १ हजार ८ सय २० कायम भएको छ ।