एजेन्सी । वेस्टइन्डिज र अमेरिकामा जारी आईसीसी टी–२० विश्वकप २०२४ को गएराति भएको खेलमा ओमानमाथि ७ विकेटको सानदार जित हात पारेको छ ।
दोस्रो जितका साथ स्कटल्यान्ड समूह बी मा ३ खेलमा ५ अंकका साथ शीर्षस्थानमा उक्लिदै सुपर ८ को सम्भावना मजबुत बनाएको छ । जित्नलाई १ सय ५१ रनको लक्ष्य पछ्याएको स्कटल्यान्डले १३ दशमलव १ ओभरमा ३ विकेट गुमाउँदै पूरा गर्यो । स्कटल्यान्डका ब्रेन्डन म्याकमुलनले ३१ बलमा ९ चौका र २ छक्कासहित सर्वाधिक ६१ रन जोडेका थिए ।
जर्ज मुन्शे २० बलमा २ चौका र ४ छक्कासहित ४१, माइकल जोन्स १६, रिची बेरिंग्टन १३ र म्याथ्यु कस्रले १५ रन जोडे । ओमानका बिलाल खान, अकिब इलियास र मेहरान खानले १–१ विकेट लिए ।
त्यसअघि टस जितेर पहिला ब्याटिङ रोजेको ओमानले २० ओभरमा ७ विकेट गुमाउदै १ सय ५० रन बनाएको थियो ।
प्रतिक्रिया