भारतविरुद्ध टस जितेर फिल्डिङ गर्दै पाकिस्तान

एजेन्सी । जारी टी–२० विश्वकपमा पाकिस्तानले भारतविरुद्ध जस जितेर फिल्डिङ गर्ने भएको छ ।

न्युयोर्कस्थित नासाऊ काउन्टी अन्तरराष्ट्रिय क्रिकेट स्टेडियममा अहिले खेल टस भएको छ। पाकिस्तानले टस जितेर पहिले फिल्डिङ गर्ने निर्णय गरेपछि भारतले शुरुवाती ब्याटिङ गर्ने भएको छ। सुपर ८ को सम्भावना जीवितै राख्न पाकिस्तानले आजको खेल जित्नैपर्ने दबाब छ। पहिलो खेलमा पाकिस्तान अमेरिकासँग पराजित भएको थियो।

पाकिस्तान र भारतको खेल हेर्न हजारौँको संख्यामा समर्थकहरु रंगशाला पुगेका छन् । रंगशालामा बसेर यो खेल हेर्न समर्थकहरुले एउटा टिकटका लागि ४० हजार रुपैयाँभन्दा बढी खर्च गरेका छन्।