एजेन्सी । भारतमा ५ सय ४३ लोकसभा सिटको मतगणना सुरु भएको छ। पहिले हुलाक मतपत्रको गणना भइरहेको छ ।
त्यसपछि ईभीएम खोलिनेछ। अबको दुई घण्टामा नयाँ सरकारको स्थिति लगभग स्पष्ट हुनसक्छ । प्रारम्भिक रुझानमा, भाजपा नेतृत्वको एनडीएको ३ सय ३ सिटमा अगाडि छ, कंग्रेस नेतृत्वको ईन्डिया गठबन्धनले १ सय ९४ सिटमा आफ्नो अग्रता कायम राखेको छ भने ४६ सिटमा अन्य अगाडी छन् ।
गत १६ मार्चमा, निर्वाचन आयोगले ७ चरणमा लोकसभा सिटहरूको लागि मतदानको मिति घोषणा गरेको थियो। अप्रिल १९ बाट सुरु भएको मतदान जुन १ मा सकिएको थियो । ४४ दिनको यो निर्वाचन सन् १९५२ पछिको सबैभन्दा लामो थियो।
प्रतिक्रिया