काठमाडौं । चन्द्रकान्त राउत (सीके) नेतृत्वको जनमत पार्टीले गणतन्त्र दिवसको अवसरमा नौलो गणतन्त्र आन्दोलन घोषणा गर्दैछ ।
काठमाडौंको भृकुटी मण्डपमा आज एक कार्यक्रमकाबीच आन्दोलनको घोषणा गर्न लागिएको जनमत पार्टीले जनाएको छ । १७औं गणतन्त्र दिवस मनाइरहँदा पनि देशमा आर्थिक समृद्धि र स्थायित्व आउन नसकेको भन्दै जनमत पार्टीले आन्दोलनको घोषणा गर्न लागेको हो ।
देशमा आर्थिक प्रणालीको सुधार, राजनीतिक स्थायित्व र उत्पादकत्व बढाउने व्यवस्थाको लागि नौलो गणतन्त्र आन्दोलनको उद्घोष भएको हो । जनमतले आन्दोलनको घोषणाअघि सांस्कृतिक झाँकीसहित र्याली निकाल्ने बताएको छ । बिहान ११ बजे विभिन्न स्थानबाट निस्किने र्याली भद्रकाली, शहीद गेट, बीर अस्पताल र रत्नपार्क हुँदै भृकुटी मण्डपमा आयोजित सभामा समावेश हुनेछ ।
उक्त सभालाई जनमत पार्टीका अध्यक्ष डा.सीके राउतसहितका नेताहरुले सम्बोधन गर्दै आन्दोलनको घोषणा गर्ने कार्यक्रम तय भएको छ ।
प्रतिक्रिया