काठमाडौं । संसद्मा आज प्रस्तुत हुने नीति तथा कार्यक्रममा सहयोग गर्न प्रधानमन्त्री पुष्पकमल दाहाल प्रचण्डले प्रमुख प्रतिपक्ष नेपाली कांग्रेसलाई आग्रह गरेका छन् ।
मंगलबार बिहान संसद्को अवरोध खुलाउने बिषयमा भएको छलफलमा प्रधानमन्त्री प्रचण्डले राष्ट्रपतिको सम्बोधनमा सहयोग गर्न आग्रह गरेको कांग्रेस प्रमुख सचेतक रमेश लेखकले जानकारी दिए । साथै प्रमुख सचेतक लेखकले सहकारी समस्या समाधान गर्न प्रधानमन्त्री प्रचण्ड सकारात्मक रहेको समेत बताएका छन् ।
संसदीय दलको बैठकअघि प्रधानमन्त्रीसँग छलफलका लागि कांग्रेस महामन्त्री गगन थापा र प्रमुख सचेतक रमेश लेखक बालुवाटार पुगेका थिए। कांग्रेस संसदीय दलको बैठक पनि आज बिहान बस्दै छ ।
कांग्रेसले सहकारीको बचत अपचलनमा उपप्रधान एवं गृहमन्त्री रवि लामिछानेको संलग्नता रहेको भन्दै छानबिनका लागि संसदीय समिति गठनको माग गर्दै आएको छ ।
प्रतिक्रिया